Sanwartey hain...

Sanwartay Hain Woh, Aaina Dekh kar,

Sanwar Jaayein To, Aaina Dekhta Hai,,,,

Woh larki pholon jesi hai...

Wo larki Phoolon jaisi hai,

Wo bilkul Hooron jaisi hai,

Hai chand Nagar ki Rani wo,

Hai jaisay Rot Mastani wo,

Hai Meri prem kahani wo,

... Roshan wo ujaalon jaisi hai,

Wo Meray sawalon jaisi hai,

Wo shola b wo shabnam bhi,

Wo zulf Ghata si rakhti hai,

Wo aankh Dua si rakhti hai,

Wo dhop mai chaun jaisi hai,

Sawan ki Ghataun jaisi hai,

Titli ki adaun jasi hai,

Wo RANI chaand sitaron ki,

Wo khushbu Baag Baharon ki,

Wo larki phoolon jasi hai,

Wo bilkul hooron jasi hai. . .

Woh saahilon ki hawa si larki

Gulaab chehre pe muskuraahaT

chamakti aankhoN meN shoKh jazbe

woh jab bhii college ki siiRhiioN se

sahelioN ko liye utarti 

to aise lagta tha jaise dil meN utar rahi ho 

kuch is tayaqqun se baat karti thii jaise duniya 

usii ki aankhoN se dekhti ho 

woh apne raste meN dil biChhaati hui nighaahoN se hans ke kehti 

"tumhaare jaise bahut se laRkoN se maiN yeh baateN

bahut se barsoN se sun rahi huuN! 

maiN saahiloN ki hawa huuN, niile samandaroN ke liye bani huuN!"

woh saahiloN ki hawa si laRki

jo raah chalti to aise lagtaa tha jaise dil meN utar rahi ho

woh kal mili to is tarah thi

chamakti aankhoN meN shoKh jazbe, gulab chehre pe muskuraahaT

k jaise chaandi pighal rahi ho

magar jo boli to us ke lehje meN woh thakan thi k jaise sadioN se dasht-e-zulmat meN chal rahi ho!

Wo Aik Larki

Udaas Logon ki Bastion mein...!!

Wo Titlion ko Talash Kerti...

Wo Aik Larki...

Wo Gol Chehra Wo Kali Aankhain...

Jo Kerti Rehti Hazaar Baatain...

Mizaj Saada Wo Dil Ki Achi...

Wo Aik larki...

Wo Mohabbaton K Nisaab Janay...

Wo Janti Hai Ehad Nibhanay...

Wo Achi Dost Wo Achi Saathi...

Wo Aik Larki...

Wo Jhootay Logon Ko Sacha Samjhay...

Wo Saari Duniya ko Acha Samjhay...

Wo Kitni Saada Wo Kitni Pagli...

Wo Aik Larki...

Woh kaisi pagal larki thi...

Woh kaisi pagal larki thi

Khwabon main khoyee rahti thi

Jab koi use samjhta tha

Woh hans kar taalaa karti thi

Phir eik din baithe baithe hi

Na jaane kyon woh rone lagi

Ashkon ki aisi jhari lagi

Woh tinka tinka behti rahi

Jaane kiske guman main thi

Jaane kiske armaan main thi

Woh kaisi pagal larki thi

Woh aate jaate har chehre ko

Chhup kar takti raston ko

Jheel si gehri aankhon main

Bhigi bhigi palkon main

Toofaan chhupaye rakhti thi

Gham saare khud hi sehti thi

Woh kaisi pagal larki thi

Hum ne bhi socha eik baar

Poochhe uska haal e zaar

Kaun hai woh jisse woh karti hai pyaar

Lekin hum haar gaye

Khaali saare waar gaye

Eik din sheesha chur huaa

Saans ka panchhi dur huaa

Jo patthar se takrati thi

Woh aisi pagal larki thi